Armaz sana
Mamankel’žen sanan
vänd om lujas maged.
Henghe sanan panen,
kajičen sen väged.
Sanan kal’t mä nägen
kodikülän pöudon,
kodijärven, mägen...
Kus völ mugoid löudan?!
Ühtenzoiti sana
kazvatajid, lapsid...
Melid pähä pani,
elontes konz lanksid.
Sanas tundui vägi,
londusenke sido.
Mamankel’ne pagin
oli sille idu.
Nügüd’ sana armaz
kadob, koleb, sambub,
kuti pahas sarnas.
Kenek sanha ambub?
Seižutagat ambund,
jätkat sana meile!
Kenak andaiž abud?
Jose toivod eile?!
Nina Zaiceva
Последнее изменение Вторник, 21 февраля 2017 10:30