Praznikanke!

Nikolai Abramov 

Sügüz'kun ezmäine päiv 

Urok mäneb külän školas, 

Kulub opendajan än'… 

Ondrei eglai oli bolas, 

Tämbei — opendamhas män'. 

Maša hüvän kuvan pirdab, 

Nägub nit i pertin soum. 

Pet'a meles om jo irdal, 

Järven randal amu om. 

Zirkloižehe kacub Ol'a, 

Johor nukkub, pästi pän. 

Saubas sil'mäd ištub Kol'a, 

Keza-aigad muštleb hän. 

Jura Lenan restab kasas 

Opendamas vepsän kel't… 

Mäneb urok meiden klassas, 

Lapsed keradaba mel't.