• ГЛАВНАЯ
  • ГЛАВНАЯ
  • НОВОСТИ
  • Встреча представителей Министерства Образования Республики Карелия с делегацией Карельского Просветительского Общества (Karjalan Sivistysseura ry)

Встреча представителей Министерства Образования Республики Карелия с делегацией Карельского Просветительского Общества (Karjalan Sivistysseura ry)

16 мая 2014 в Министерстве Образования состоялась встреча представителей Министерства Образования Республики Карелия с делегацией Карельского Просветительского Общества (Karjalan Sivistysseura ry). В рамках встречи были обсуждены вопросы международного сотрудничества Карельского Просветительского Общества с образовательными учреждениями Республики Карелия.

Karjalan tazavallan opastusministerstvas 16. oraskuudu oli vastavus Suomen delegatsienke (Karjalan Sivistysseura ry), kudual oldih: Karjalan tazavallan opastuksenministru Aleksandr Morozov, Opastusministerstvan spetsialistu Natalja Vasiljeva, Karjalan jatko-opastuksen instituutan varajohtai Olga D’jačkova, tämän instituutan  etnokul’tuurizen opastuksen keskuksen metodistat L’udmila R’appijeva da Ol’ga Hramtsova, Petroskoin suomi-ugrilazen školan johtai Natalja Barkalova da opastai Jekaterina Sem’onova. Suomen puolespäi oldih: Karjalan Sivistysseuran piälikkö Eeva-Kaisa Linna, Karjalan Sivistysseuran kunnivojäsen Ilmari Homanen, Karjalan Sivistysseuran halličukseh kuulujat Markku Pottonen da Pekka Vaara.

Täl vastavuksel meigäläzet da suomelazet paistih karjalan, vepsän da suomen kielien tilas da kehittämizis, kačeltih Karjalan školien opastundukyzymyksii da sidä, kui ruadua yhtes.

Kai vastavuksen ozanottajat oldih sidä mieldy, gu kai opastunduprojektat, kuduat oldih da kuduat vie roijah yhtes Karjalan Sivistysseuranke tuodih äijän hyödyy. Net autetah kehittiä karjalan, vepsän da suomen kielii da kehitetäh yhteisruaduo karjalan da suomen opastajien, opastujien da opastusalal ruadajien keskes Karjalas da Suomes.

Aleksandr Morozov saneli, midä oli ruattu mennyt vuon, mittumii seminuaroi, konferensieloi da kursiloi oli pietty opastajih näh. Ližäkse mainičči mennyt vuvven ylen hyvin menijöis ruadolois. Net ruavot oldih: karjalan, vepsän da suomen kielien kilvat, Karjalan kielen tila da kehitys -konferensii Kalevalas, konferensii Petroskois, net oli luajittu Karjalan kielen da kul’tuuran vuvvekse. Vie meijän kaksi opastajua kaksi päiviä oldih Suomes Helsinkis. Sie 2.-3. talvikuudu piettih jo yhtettytostu kerdua Valdukunnallizet virtualiopastuksen päivät. Seminuaru ylen äijäl miellytti meijän opastajii.

Vastavuksel sellitettih tulien vuvven ruaduo, piettih paginua projektoih näh, šeikuittih opastuksen kyzymyksii.

Karjalan Sivistysseuran rahvas kučuttih Karjalan tazavallan opastusministerstvan delegatsien Suomeh, ku suas sobie da ualekirjuttua ruadopluanat tuliekse aigua.

Karjalan Sivistysseuran da Karjalan tazavallan opastusministerstvan pluanois on pidiä kursit karjalan, vepsän da suomen kielien opastajih näh. Suomelazet tahtottas, gu meijän opastajat maltettas käyttiä tiedo- da viestindytehnolougieloi, gu hyö omil urokoil ruattas uuzii tehnolougieloi da etämuodoloi myöte.

Karjalan Sivistysseuran rahvas kiinostuttih Etnokul’tuurizen opastuksen keskuksen saitah «Etnokul’tuuruopastumine» (www.edu-rk.ru) da toivotettih, gu erähät materiualat da uudizet oldas karjalan da suomen kielel. Sit enämbi rahvastu, kuduat paistah karjalakse da suomekse, kačottas tädä saitua.

Последнее изменение Среда, 28 мая 2014 16:44

НАЖМИТЕ ENTER ДЛЯ ПОИСКА